11 avgust kuni Xalqaro press klub tomonidan Namangan viloyati rahbarlari bilan jonli efirda suhbat olib borildi. Ochiq muloqotda viloyatning barcha mutasaddi rahbarlari ishtirok etdi.
Ushbu jonli muloqotda hal etilishi lozim bo`lgan qator muammoli savollar kelib tushdi.
Jumladan, fuqaro Sohibjon Bobojonov tomonidan berilgan savol, ko`pdan beri ijtimoiy tarmoqlarda minglab yurtdoshlarimiz tomonidan qizg`in muhokama etilayotgan muammo, ya`ni o`qituvchilarning obodonlashtirish ishlariga xaligacha jalb etilib kelinayotgani, o`qituvchilarga bo`sh ish o`rinlari yo`qligi uchun bu narsaga e`tiroz bildira olmay kelayotgani to`g`risidagi savol Xalqaro press klub raisi Sherzodxon Qudratxo`jaev tomonidan o`qib eshittirildi.
Viloyat xokimi Xayrullo Bozorov: “Bu bor haqiqat, buni yashirib bo`lmaydi. Ularni nafaqat obodonlashtirish ishlarida, hatto qishloq ho`jaligi ishlarida ham ishlatib keldik. O`qituvchini o`zining ishini qildirmadik, fermerga bog`ladik. Vrachlarimizga o`z ishini qildirmadik, QVP da o`z ishlari qolib, qishloq xo`jaligi ishlari bilan band bo`lishdi. Natijada nima bo`ldi, natijada bugun onalar o`limi oshdi, go`daklar o`limi oshdi, lekin xech kim QVP ga yordam bergani yo`q. Qachonki endi biz ko`zimizni ochib ko`rsakki, qanaqadir og`ir ahvolda. Shuning uchun qat`iy cheklangan hozir, o`qituvchilarimizni, umuman byudjet xodimlarini jalb qilish. Qaysidir shanbalik, qaysidir tadbir bo`lsaki mayli shunda umumiy tartibda chaqiriladigan bo`lsa. Bizning eng zabardast sohalar ikki soha ham, eng ishongan sohalarimiz. Bularni unaqangi ishlarga, mana hokimlar ham turibdi, ularni bu ishlarga jalb etish ta`qiqlanadi, chiqarmaymiz ularni bunday ishlarga ”- deya javob berdi.
Manba:O`zbekiston Respublikasi Xalq Demokratik Partiyasi sayti.
