Toshkent shahrida markasiz tamaki mahsulotlarini sotgan MCHJ mahsulotlari mas’ul xodimlari qo‘lga tushdi. Bu haqda Iqtisodiy jinoyatlarga qarshi kurashish departamentining axborot xizmati ma’lum qildi.
Qayd etilishicha, viloyatning Yakkasaroy tumani bo‘limi tomonidan o‘tkazilgan tergovga qadar tekshiruvda “M.B.” MCHJ mas’ul shaxslari “Bobur” MFY hududidagi karaoke barda tegishli hujjatlari bo‘lmagan xorijda ishlab chiqarilgan umumiy bahosi 108,9 mln so‘mlik jami 1 830 dona aksiz markasiz tamaki va elektron tamaki mahsulotlari, 1 069 dona elektron tamaki mahsulotini quvvatlantirish uskunalarini sotuvga qo‘yganliklari aniqlangan. So‘ng ushbu mahsulotlar ashyoviy dalil sifatida olingan.
Shu kabi, Departamentning Chilonzor tumani bo‘limi tomonidan o‘tkazilgan tezkor tadbirda “P.V.” MCHJning “Lutfiy” MFY hududidagi savdo do‘konidan umumiy bahosi 221,6 mln so‘mlik 756 dona aksiz markasiz elektron tamaki mahsulotlari ashyoviy dalil sifatida olingan.
Mazkur holatlar yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishlari qo‘zg‘atilib, tergov harakatlari o‘tkazilmoqda.
