Tashqi mehnat migrasiyasi agentligi matbuot kotibi Ortiqxo`ja Norovning ma`lumotiga ko`ra, quyidagilar layoqatli ishchi maqomini olgan fuqarolar (VIP) hisoblanadi;
1. Koreya Respublikasida 4 yil 10 oy bir korxonada mehnat faoliyatini amalga oshirgan va shartnomasi tugagandan so`ng korxonadan qayta shartnoma bilan kelgan fuqarolar;
2. Bunda fuqaro birinchi mehnat shartnomasini tugatgandan so`ng yoshi 39 yoshdan oshgan bo`lsa ham qayta shartnoma bilan mehnat faoliyatini amalga oshirishi mumkin;
3. Xorijga chiqish uchun taqiqi bo`lmagan hamda xorijga chiqish pasporti mavjud fuqarolar;
4. Har tomonlama sog`lom, yuqumli kasallikka chalinmagan fuqarolar;
5. Koreya Respublikasi hududiga kirishga taqiqi yo`q fuqarolar;
6. Muqaddam sudlanmagan fuqarolar;
7. Koreya Respublikasida 5 yildan ortiq muddatda ishlamagan fuqarolar.
Test imtihonlaridan o`tish talab qilinmaydi.
Fuqaro Janubiy Koreyadan O`zbekiston Respublikasi hududiga kirib kelgan kundan boshlab, 90 kun muddat ichida Koreya Respublikasi ish beruvchisi bilan kelishilgan holda jo`nab ketishi zarur.
Eslatma! fuqarolarni Koreya Respublikasiga ishga jo`natish (E-9 ishchi viza) huquqiga ega yagona tashkilot Tashqi mehnat migrasiyasi agentligi hisoblanadi, xususiy bandlik agentliklarining bunga vakolati yo`q.
