Joriy yilning 18 fevral seshanba kuni Yunusobod tumanining ayrim hududlarida elektr energiyasida vaqtinchalik uzilishlar bo`ladi. Bu haqda «Toshkent shahar elektr tarmoqlari korxonasi» Matbuot xizmati xabar berdi.
Mazkur uzilish «Toshkent shahar elektr tarmoqlari korxonasi» AJning yillik elektr qurilmalari va tarmoqlarini joriy ta`mirlash rejasiga asosan hamda iste`molchilarga sifatli va uzluksiz elektr energiyasini etkazib berilishini ta`minlash va elektr qurilmalari va tarmoqlarida sodir bo`lishi mumkin bo`lgan avariya holatlarini oldini olish maqsadida amalga oshiriladi.
Xususan Yunusobod tumanida joylashgan «Astronomiya» nimstansiyasidan chiquvchi 10 kV yuqori kuchlanishli «Yulduz» 1 va 2 nomli fiderning er ostidan o`tgan kabel tarmoqlarida rejali joriy ta`mirlash ishlari olib boriladi.
Buning natijasida shu kuni soat 10:00 dan kech soat 16:00 ga qadar, «Buyuk turon» MFY hududida joylashgan «Niyozbek yo`li» va «Shaffof obod», «Shaffof obod» tor ko`chalaridagi aholi iste`molchilariga elektr energiyasini etkazib berilishida vaqtinchalik uzilishlar kutilmoqda.
«Toshkent shahar elektr tarmoqlari korxonasi» mazkur ta`mirlash ishlari tufayli elektr energiyasi ta`minotidagi vaqtincha uzilishlar sababli etkazilayotgan noqulayliklar uchun iste`molchilardan uzr so`raydi.
«Yunusobod TETK» ishonch telefoni: (71) 225-00-65
