"Manchester Yunayted" "Chelsi" yarim himoyachisi Villianni xarid qilish uchun harakatlarni davom ettirmoqda, deb yozmoqda Olamsport nashri.
Ma`lumotlarga ko`ra, MYu rahbariyati 29 yoshli braziliyalik uchun 69 mln. evro taklif qilishga tayyor. Villianning "Chelsi" bilan shartnomasi 2020 yilning yozida yakuniga etadi.
Oldinroq, yarim himoyachi bosh murabbiy Antonio Kontening ishidan norozi ekanligi va London klubini tark etishi mumkinligi haqida ma`lum qilingan edi.
29 yoshli braziliyalik so`nggi mavsum APLning 36ta uchrashuvida maydonga tushib, 6ta gol urdi va 7ta golli pas berdi.
