​5 нафар қурбон, 40 ярадор: Лондондаги терактга бадният ҳужум деб ном берилди

Лондон терактдан сўнг ўзига келмоқда. Кўчаларда бугун полицияларнинг қўшимча либослари пайдо бўлади, парламент эса эшикларини қайтадан очди. Бироқ вазият танглигича қолмоқда. Тунда шубҳали буюм сабаб метро бекати эвакуация қилинди. Шаҳар марказида ер усти транспорти ҳаракати тўхтатилди. Ҳужумнинг айрим деталлари маълум бўлди. Одамлар устига бостириб келган машина ижарага олинган бўлиб чиқди.

Ҳалокат жойидан илк кадрлар. Отишма овози, одамларни қочишга чорлаётган полиция ҳайқириғи. Пиёдаларни уриб террорчининг жипи Вестминстер кўпригининг йўли бўйлаб ҳаракатланиб Биг Бен ёнидаги тўсиққа урилди.

Яна бир ҳужумчи парламент ҳудудига қўлида иккита пичоқ билан кирган ҳамда полициячига ташланган ва шундан сўнг бошқа бир полициячи томондан отиб ташланган. Терактнинг қурбонлари аниқ сонини бугун кечқурун маълум қилишади.

“Бугун беш киши ҳалок бўлди. Ҳужумчи халқаро терроризм ҳавосидан тўйинган шахс. Таҳминимизча 40 киши яраланган, айримларга жиддий жароҳат етган. Жумладан уч нафар полициячи. Уларнинг айримлари оғир аҳволда”, — дейди Катта Лондон полициясининг антитеррорчилик бўлинмаси раҳбари Марк Роули.

Буюк Британия Бош вазири Тереза Мэй тезкорлик билан ўтказилган Кобра кенгашининг йиғилишида баёнот билан чиқди. “Ҳужум жойи тасодифан танланмаган. Террорчи пойтахтимиз юрагига зарба бермоқчи бўлган”, — дейди у.

Ҳужум Бош вазир парламентда чиқиш қилаётган куни бўлиб ўтди. Тереза Мэйни тезкорлик билан эвакуация қилинди.

Парламент жойлашган туман сайёҳлар орасида жуда машҳур. Жабрланганлар орасида турли мамлакат фуқаролари бор — жумладан Франциядан келган ўқувчилар ҳам.

Скотланд-Ярд хавфсизлик чораларини кучайтиришга ваъда берди. Бу дегани шу кунларда Лондон кўчаларида жуда кўп қуролланган полициячилар бўлади.