Energetika vazirligi poytaxtning ayrim hududlarida kuzatilayotgan elektr ta`minotidagi uzilishlar yuzasidan munosabat bildirdi.
Toshkent shahrining Sergeli tumanidagi 10 kV kuchlanishli elektr uzatish tarmog`ida nosozlik yuzaga kelgan.
Buning natijasida tumandagi Yuqori Darxon, Yangi Sirg`ali, Navro`z va Charog`on mahallalarining ayrim hududlarida elektr ta`minotida qisqa muddatli uzilish kuzatilmoqda.
Hozirgi vaqtda tuman elektr ta`minoti korxonasi tomonidan nosozlikni bartaraf etish choralari ko`rilmoqda.
Ta`mirlash ishlari qisqa fursatlarda yakunlanadi va hududning elektr ta`minoti qayta tiklanadi.
