Нима учун ёш ўтгач инсонда вазн орта бошлайди? Франциялик ва швециялик бир гуруҳ олимлар бунинг сабабини аниқлашди. Маълум бўлишича, тадқиқотчилар 13 йил давомида 54 кишидаги липид метаболизмни (моддалар алмашинуви) кузатиб боришган.
Олимларнинг хулосаларига кўра, ўрганиш давомида инсоннинг ёши улғайиб борган сари уларда моддалар алмашинуви секинлаша борган. Шу сабабдан уларда вазн ортиши кузатилган.
Олимлар ёғ қатламидаги жараёнлар қариш даврида тана оғирлигини назорат қилади ва бу кўрсаткич бошқа омилга боғлиқ эмас, деган хулосага келишган.
