Шу кунларда Ўзбекистонда бўлиб ўтаётган “Шарқ тароналари-2019” ўн иккинчи халқаро мусиқа фестивали ва “Моддий ва номоддий маданий меросни асраш: долзарб муаммолари ва уларни ҳал қилиш стратегияси” мавзусидаги халқаро нуфузли анжуман ва унинг доирасида 22-27-август кунлари юртимизнинг тўрт шаҳри – Тошкент, Самарқанд, Бухоро, Термиз бўйлаб ташкил этилган халқаро маданий мерос ҳафталигига ташриф буюрган хорижий меҳмонларнинг бир гуруҳи бугун “Афросиёб” тезюрар поездлари орқали Тошкент шаҳрига қайтиб келишди. Қувонарлиси, уларнинг мамлакатимиз, урф-одат ва маданиятимиз ҳақида бир олам ижобий таасуротлар билан қайтишаётгани уларнинг байрамона кайфиятидан ҳам сезилиб турибди.
