Долзарб мавзулар Фото

Женевада ёввойи табиатни асраш бўйича Халқаро конференция бўлиб ўтди (Видео)

Бўлимлар: ДУНЁ
Теглар: Видео
Добавлено: 19.08.2019, 17:32

Мазкур конференцияда иштирок этиш учун дунёнинг 180 дан ортиқ давлатларидан вакиллар ташриф буюришди. Бу ҳақда Еuronews.com нашри хабар берди.

Конференция кун тартибидан ноёб ўсимликлар, ҳайвонлар ва балиқларнинг халқаро савдосини тартибга солиш масалалари билан боғлиқ 50 дан ортиқ таклифларни кўриб чиқиш ўрин олди. Шунингдек, фил суягининнг ноқонуний савдоси ва акула сузғичларидан тайёрланган шўрвага бўлган талабнинг ортиши каби долзарб масалалар ҳам муҳокама этилди. Экологлар олиб борган тадқиқот натижаларига кўра, сайёрамизнинг табиий бойликлари катта тезликда қисқариб бормоқда. Мутахассисларнинг таъкидлашича, ҳар йили ёввойи ҳайвонлар сони борган сари қисқариб бормоқда.

Шунга қарамасдан, айрим Африка давлатлари ёввойи жониворлар савдосини қисман қонунийлаштиришни режалаштирган. Бироқ йирик нодавлат экологик ташкилотлар бунга кескин қаршилик билдиришяпти. Сўнгги маротаба 2008 йили фил суягининг қонуний савдоси амалга оширилган эди. Айни шу вақтдан эътиборан юз минглаб Саванна филлари ва Африка ўрмон филларининг 60 фоизи йўқ бўлиб кетди. Бундан ярим аср аввал имзоланган CITES конвенцияси маълумотларига кўра, сайёрамиздаги ўсимлик ва ҳайвонот дунёсининг қарийиб 35 000 мингдан ортиқ тури йўқолиб кетиш хавфи остида турибди, уларнинг 85 фоизини эса ўсимликлар ташкил этади.


Google+
WhatsApp
VK
Telegram

Комментарии