Маълум қилинишича, ушбу видео ижтимоий тармоқларда 16 август куни пайдо бўлган. Ҳолат Юнусобод туманидаги «Салар—Чуқурсой» станциясида қайд этилган. Блогерларнинг шахси аниқланган. Улар 19 ёшли Артур Бабаев ва Дмитрий.О бўлиб чиқди.
Блогерлардан ушбу қилмишларига изоҳ сўралганда, улар «машҳур бўлиш ва обуначилари сонини кўпайтириш мақсадида» қилганини айтиб ўтишди.
Тошкент шаҳар ИИББ хабарига кўра, ҳолат юзасидан блогерларга нисбатан Ўзбекистон Маъмурий жавобгарлик тўғрисидаги кодекснинг 183-моддаси (майда безорилик)да кўзда тутилган ҳуқуқбузарликни содир этганлик ҳақида баённома тузилган.
