2019 йил 1 сентябрдан бошлаб, Туркманитон Республикасида ушбу мамлакат ҳудудидан транзит тарзида ўтувчи товарларнинг божхона расмийлаштируви жараёнлари бўйича янги тартиблар жорий қилинмоқда. Бу ҳақда Давлат божхона қўмитаси Матбуот хизмати хабар берди.
2019 йилнинг 1 сентябридан бошлаб, ушбу мамлакат ҳудудидан транзит тарзида ўтувчи товарлар ҳақида қуйидаги маълумотлар тақдим этилмаганда, Туркманистон божхона хизмати томонидан товарлар транзити учун русхатномалар берилмайди.
-юкларни юборувчи ва қабул қилувчининг номи ва жойлашган манзили;
-товарларни юборувчи ва қабул қилувчи мамлакат номи;
-товарларни ташувчининг ёки экспедиторнинг (рухсатномани экспедитор олганда) номи ва жойлашган манзили;
-транспорт воситаси ва унинг ҳайдовчиси;
-товарларнинг шакли, номланиши, миқдори ва қиймати;
-товарларнинг вазни ва ҳажми;
-товарларни кодлаш ва номлашнинг уйғунлаштирилган тизими бўйича таснифланган коди (ТИФ ТН);
-юк ўринларининг умумий сони;
-товарлар йўлланган манзил;
-йўлдаги юк операциялари (тушириш, ортиш, қайта юклаш ва ҳк..);
-товарларни ташиш муддати ва ҳаракатланиш йўналиши.