Биринчи шарт ва биринчи натижалар: Ўзбекистон терма жамоаси пешқадамликни қўлга олди (Видео)

ЖАМИЯТ 06.08.2019, 09:33
Теглар: Видео
Биринчи шарт ва биринчи натижалар: Ўзбекистон терма жамоаси пешқадамликни қўлга олди (Видео)

Кеча, 5 август куни V Халқаро армия ўйинлари доирасида “Фориш” тоғ полигонида старт олган “Ҳарбий-тиббий эстафета” танловининг дастлабки –АК-74 автомати ҳамда ПМ пистолетидан 100 ва 50 метр масофадаги нишонларга қарата ўқ отиш бўйича “Индивидуал маҳорат” шартида иштирокчи ўн бир мамлакатнинг эркак ва аёлларжамоалари ўз мерганлик маҳоратларини намойиш этди.

Ҳар икки отиш ҳудудларида Ўзбекистон Мудофаа вазирлиги масъул офицери подполковник Машҳур Аглаев бошчилигидаги арбитр ва техник ходимлар шахсий таркиби ҳар бир иштирокчига халқаро танлов низоми талаблари асосида йўриқномалар бериб, отиш амалиётининг маъёрларга биноан хавфсиз ва адолатли ўтишини назорат қилиб борди.

– АК-74 жановар қуролидан белгиланган вақт мобайнида қўйилган вазифани кўнглимдагидек бажардим, – дейди Ватандошимиз сержант Ойдиной Убайдуллахўжаева. –Жамоаларғолиблик учун куч синашадиган ушбу нуфузли мусобақада масъулият, билдирилган ишонч, жисмоний ва руҳий тайёргарлик ҳамда касбий маҳорат ўз сўзини айтади. Биз, мусобақа кечадиган полигонларнинг ҳар қарич ерида ғолиблик учун курашамиз! Меҳмон жамоаларга эса омад тилайман!

– Дастлабки синовдан яхши ўтдик. Натижалар адолатли баҳолаб борилди. Шартнинг барча босқичлари ошкора амалга оширилди. Танлов низомига кўра, дастлабки кўникма ҳосил қилиш ва йўналишни чамалаш учун берилган беш жанговар патронни нишонга узиб, қўлимизни ўргатдик; шундан сўнг, асосий баҳсга киришдик, – дейди Зимбабве қуролли кучлари шарафини ҳайдовчи эркаклар жамоаси ўртасида кечган жанговар қуролдан ўқ отиш шартида ҳимоя қилган капрал Регис Мубвумба. – Ушбу шарт адолатли тарзда, ҳакамлар шахсий таркибининг қатъий назорати остида ўтди. Мен, ушбу танловда иштирок этиб, айнан Ўзбекистон тупроғига ташриф буюрганимдан ниҳоятда мамнунман.

Мазкур шартнинг якуний натижалари асосида ҳакамлар шахсий таркибининг хулосаларига кўра, индивидуал биринчиликда пешқадамлар рейтинги қуйидагича кўриниш олди:

Макаров пистолетидан ўқ отиш (эркаклар):

1-ўринда Бобожон Элмуродов – Ўзбекистон (183 балл);

2-ўринда Капезов Нуржан – Қозоғистон (169 балл).

3-ўринда Корбан Роман – Беларусь (141 балл).

Макаров пистолетидан ўқ отиш (аёллар):

1-ўринда Лариса Холматова – Ўзбекистон (145 балл);

2-ўринда Акбопе Танатарова – Қозоғистон (135 балл);

3-ўринда Светлана Черкашина – Беларусь (107 балл).

Калашников автоматидан ўқ отиш (эркаклар):

1-ўринда Хокимбек Мадаминжонов – Ўзбекистон (191 балл);

2-ўринда Бексултан Токтар – Қозоғистон (187 балл);

3-ўринда Шохрух Ибрагимов – Ўзбекистон (186 балл).

Калашников автоматидан ўқ отиш (аёллар):

1-ўринда Ойдин Убайдуллахўжаева – Ўзбекистон (185 балла);

2-ўринда Хтар Тет– Мьянма (182 балла);

3-ўринда Саидахон Абдумуминова – Ўзбекистон (181 баллов).

Ҳарбий-тиббиёт мутахассилари ўртасида автоматдан ўқ отиш мусобақаси бўйижа жамоавий баҳсларнинг якуни бўйича қўйидагилар маълум бўлди:

Эркаклар жамоаси:

1-ўрин – Ўзбекистон (377 балл);

2-ўрин – Қозоғистон (363 балл);

3-ўрин – Россия (343 балл).

Аёллар жамоаси ўртасида:

1-ўрин – Ўзбекистон (366 балл);

2-ўрин – Мьянма (340 балл);

3-ўрин – Қозоғистон (329 балл).

Мудофаа вазирлиги ахборот ва оммавий коммуникациялар департаменти



Шарҳлар

Тошкентда 9-синф ўқувчиси одамларни ис газидан сақлаб қоладиган ихтиро яратди (видео)

17.11.2023, 09:49

3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
Оққўрғонда вертолёт иштирокида тўй кортежини қилганлар жаримага тортилди (видео)

16.11.2023, 12:40

Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
Кечаги ёмғирдан сўнг Тошкент марказидаги янги "дом"нинг ери чўкиб, таги очилиб қолди (видео)

10.11.2023, 12:45

Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
Фарғонадаги экин даласига янги туғилган чақалоқ ташлаб кетилди (видео)

04.11.2023, 12:37

Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
Об-ҳаво: Тошкент
Валюта курси
1