Бу эса сайёрамизнинг иккинчи энг йирик муз “қалқони”да рекорд даражада эриш хавфини юзага келтирмоқда. Бу ҳақда Еuronews.com нашри хабар берди.
БМТнинг халқаро метеорология ташкилоти эълон қилган кузатув натижалари маълумотларига кўра, Гренландия ороли аномал жазирама исканжасида қолган. Ёз ойининг бошига қадар оролда аномал об-ҳаво шароитлари кузатилмаган бўлса-да, биргина июль ойи давомида Гренландия юза қатламининг буғланиши туфайли 160 миллиард тонна музликни йўқотган. Бу эса Арктика музликларининг эришига олиб келган.
Июль ойи ўрталарида унинг майдони рекорд даражада қисқариб кетган. Арктикага қарама қарши Шимолий муз океани томонда Сибирь, Аляска ва Канадада кучли ўрмон ёнғинлари содир бўлмоқда. Британия матбуоти хабарига кўра, ёнғинлар натижасида атмосферага ҳозирга қадар 120 миллион тонна карбонад ангидрид гази чиққан. Бу аксарият давлатларнинг йиллик саноат газлари чиқиндилари ҳажмидан кўп деганидир. Бу шунингдек, аср бошидан буён илк маротаба кузатилган бир вақтнинг ўзида атмосферага чиқарилган зарарли газлар эмиссиясидир.
