Долзарб мавзулар Фото

Францияда яна жазирама иссиқ ва қурғоқчилик кузатилмоқда (Видео)

Бўлимлар: ДУНЁ
Теглар: Видео
Добавлено: 23.07.2019, 16:05

Мамлакатнинг аксарият ҳудудларидан сувдан фойдаланишга чекловлар қўйилди.Бу ҳақда Еuronews.com нашри хабар берди.

Метеорологлар мамлакатнинг жанубий минтақалари ва Парижда ҳаво ҳарорати 41 даражага қадар кўтарилиши ҳақида огоҳлантиришмоқда. Бундан аввал, мамлакатга 28 июнь куни иссиқ ҳаво оқими ёпирилган эди. Ана ўшанда Эро департаментида 46 даражали рекорд кўрсаткич қайд этилган эди. Африкадан кириб келган иссиқ ҳаво оқими мамлакатни тарк этган бўлишига қарамасдан Франциянинг марказий туманларида ҳаво ҳарорати 30 даражали кўрсаткичдан пастга тушмаяпти. Бугун Франция метерология хизмати Météo France мамлакатнинг жануби ғарбий ва марказий- шарқий қисмларидаги 21 та департаментда иссиқ туфайли хавфнинг деярли юқори даражасини эълон қилди.

Мамлакат қишлоқ хўжалиги вазири жазирама туфайли фермерлар учун фавқулодда ҳолат тартибини эълон қилди. Мамлакатнинг аксарият ҳудудларидан сувдан фойдаланишга чекловлар қўйилди. Ҳамда чорвадорларга ем-хашак етишмаслиги ортидан ўтган йилги каби жониворларни оммавий равишда сўйиш жойларига юбориш тақиқлади. Бу бозорларда мувозанатни ушлаб туриш, гўшт нархининг тушиб кетмаслигига қаратилган чора эканлиги айтилмоқда. Қурғоқчилик сабаб мамлакат ҳукумати ёрдам сўраб ЕИ мурожат этмоқчи. Мамлакат қишлоқ хўжалиги вазирлиги фермерларга зарарни қоплаш учун ёрдам тариқасида бир миллиард евро миқдорида товон пули ундиришни режалаштирди.


Google+
WhatsApp
VK
Telegram

Комментарии