Онкологик касалликларни эрта аниқлаш имконияти янада кенгайди (Фото)

ЖАМИЯТ 04.07.2019, 14:42
Теглар: Фото
Онкологик касалликларни эрта аниқлаш имконияти янада кенгайди (Фото)

Маълумотларга кўра, жаҳонда онкологик касалликлардан ўлим кўрсаткичлари юрак-қон томир касалликларидан кейинги иккинчи ўринни эгаллайди. Энг ачинарлиси, беморларнинг деярли 60 фоизи касалликнинг кечки III-IV босқичларида аниқланаётганлигидир.

Шу боис, давлатимиз раҳбари томонидан тиббиёт, шу жумладан, онкология соҳасига жуда катта эътибор қаратилмоқда. Президентимизнинг 2017 йил 4 апрелдаги “2017 – 2021 йилларда Ўзбекистон Республикасида онкология хизматини янада ривожлантириш ва аҳолига онкологик ёрдам кўрсатишни такомиллаштириш чора-тадбирлари тўғрисида”гиқарори соҳада ечимини кутаётган долзарб вазифалар ижросини таъминлашда муҳим ҳуқуқий асос бўлмоқда. Қарор ижроси доирасида Республика ихтисослаштирилган онкология ва радиология илмий-амалий тиббиёт маркази ташкил этилиб, вилоятлардаги барча онкология диспансерлари мазкур марказнинг филиалларига айлантирилди. Бу эса онкологик касалликларни эрта ташхислаш ва самарали даволашда янги даврни бошлаб берди.

Ушбу эзгу саъй-ҳаракатларнинг давоми сифатида Республика ихтисослаштирилган онкология ва радиология илмий-амалий тиббиёт марказининг янги, замонавий Консультатив-диагностика поликлиникаси биноси фойдаланишга топширилди. Натижада онкологик касалликларни эрта аниқлаш имконияти янада кенгайди. Яъни, малакали мутахассислар томонидан беморларга эрта ва аниқ ташхис қўйиш, энг замонавий технологиялар асосида самарали даволаш бўйича ҳам кўплаб қулайликлар яратилди.

Мазкур замонавий ва инновацион поликлиника қурилиши учун Инвестиция дастури асосида, қисқа даврда 3 қаватли янги бино реконструкциядан чиқарилиб, олд қисмида 2 қаватли холл қурилди. Мазкур замонавий иншоот 300 қатновга мўлжалланган бўлиб, у маслаҳат поликлиникаси, рентген, ультратовуш ва эндоскопик диагностика, клиник лаборатория ҳамда саратон профилактикаси маркази ва бошқа бўлимларни ўз ичига олади.

Тадбирда Соғлиқни сақлаш вазири Алишер Шадманов, Республика ихтисослаштирилган онкология ва радиология илмий-амалий тиббиёт маркази директори Мирзағолиб Тилляшайховлар сўзга чиқишди. Улар ўз нутқида фойдаланишга топширилаётган ушбу бинода онкологик касалликлар профилактикаси, уларнинг олдини олиш, эрта ташхислаш ҳамда дунё андозаларига мос равишда даволаш учун зарур барча шароитлар яратилганини таъкидлаб ўтишди.

Янги маслаҳат поликлиникасиэрталаб соат 8.00 дан кеч соат 20.00 гача узлуксиз фаолият кўрсатади. Бу ерда барча қулайликка эга 180 ўринли кутиш заллари бемор ва унинг яқинлари учун хизмат қилади. Поликлиникада беморларни қабул қилиш ва уларга сифатли ёрдам кўрсатиш мақсадида барча хоналар мутахассисликлар бўйича замонавий жиҳозлар ва диагности ускуналар билан таъминланган. Бу ерда барча соҳа ўсмаларини аниқлаш ёки инкор қилиш, уларни даволаш бўйича юқори малакали маслаҳат бериш учун етук мутахассислар жалб этилган.

Эндиликда бу ерда ультратовуш орқали текширув жараёни бевосита поликлиникада фаолият юритадиган мутахассисларнинг ўз хоналарида амалга ошириладиган бўлди. Бу эса беморларнинг ортиқча навбат кутиб қолиши каби турли муаммоларнинг олдини олишгахизмат қилади. Бундан ташқари, беморлар ва уларнинг яқинлари учун бинонинг биринчи ҳамда иккинчи қаватлари ҳамда холл қисмида электрон навбатни кузатиб бориш мониторлариўрнатилди.

Маслаҳат поликлиникасида электрон рўйхатга олиш тизимижорий этилганлиги сабаб фуқаролар мазкур сайт орқали “шифокор қабулига онлайн ёзилиш” функцияси ёрдамида электрон рўйхатга ёзилишлари ҳаммумкин.Бинонинг 3-қаватида Саратон профилактикаси маркази жорий этилган бўлиб, айни пайтдаушбу марказ канцер-регистр тизими, скрининг тадқиқотлари, статистик маълумотлар базасини яратиш учун зарур ускуна, компьютер техникаси ва локал ҳамда умумий тармоқ билан таъминланган.

Тадбир иштирокчилари бинонинг бўлим ва хоналарида бўлишиб, яратилган шароитлар, жиҳозланиши, мавжуд диагностик ва даволаш ускуналари билан танишишди. Электрон навбатга ёзилиш, рўйхатхона иш фаолияти ва бошқа техник имкониятларнинг амалда қўлланилишини бевосита кузатишди. Улар муассасанинг моддий ва техник имкониятларига, яратилган шароитларга юқори баҳо беришди.

Соғлиқни сақлаш вазирлиги Матбуот хизмати.

Шарҳлар

Педагогларни 3 йил куттирган қонундан қайси имтиёзлар “тушиб” қолган?

21.02.2024, 17:28

Хабарингиз бор, 2024 йил 1 февраль куни “Педагогнинг мақоми тўғрисида”ги Қонун имзоланди. Ундаги педагоглар учун энг асосий ўзгаришлардан бири – энди мактабга янги ишга кирган...
⚡️iPhone 16 кўриниши эълон қилинди

13.02.2024, 09:36

Твиттерда Majin Bu тахаллуси остида яширинган таниқли Apple инсайдери янги авлод iPhoneлари ҳақида янги маълумотлар билан бўлишди. Инсайдер хабаридан маълум бўлишича, компания бир вақтнинг ўзида...
Вайрон бўлган уйлар, жароҳат олган одамлар ва уларга ёрдам бераётган ходимлар… Сергелида отган машъум тонг (фотожамланма)

29.09.2023, 00:10

Бугун, 28 сентябрь куни соат 02:43 да Тошкент шаҳар Сергели тумани "Қурувчилар" даҳасида жойлашган омборхоналарнинг бирида кучли чақнаш оқибатида ёнғин содир бўлгани ҳақида хабар берган...
Биринчи қор оғушидаги Тошкент (фоторепортаж)

05.12.2022, 20:26

"Ўзгидромет" башорат қилганидек, Ўзбекистонда қиш 1 декабрдан кириб келди. Дам олиш кунлари республикада ҳаво ҳарорати кескин тушиб, Нукусда -17 даражани, куни кеча Навоий вилоятида эса...
Об-ҳаво: Тошкент
Валюта курси
1