Тошкентда ҳар 2 йилда 1 марта “Халқаро цирк санъати” фестивали ўтказилади

Фестиваль доирасида цирк усталарининг Халқаро кўрик-танлови бўлиб ўтади.

Ҳукумат қарори (535-сон, 27.06.2019 й.) билан “Халқаро цирк санъати” фестивалини ўтказиш тартиби тўғрисидаги низом тасдиқланди. Бу ҳақида “Ҳуқуқий ахборот” канали маълум қилди.

Низомга мувофиқ, Фестиваль 2021 йилдан бошлаб ҳар 2 йилда 1 марта Тошкент шаҳрида ўтказилади.

Фестиваль доирасида цирк усталарининг Халқаро кўрик-танлови бўлиб ўтади.

Кўрик-танловда иштирок этмоқчи бўлганлар кўрик-танлов ўтказиш санасидан 2 ой олдин Маданият вазирлигига ҳужжатларни тақдим этади.

Кўрик-танлов иштирокчилари 4 та йўналиш бўйича баҳоланади:

• гимнастика;
• акробатлар;
• ҳайвонлар олами;
• махсус (оригинал) чиқишлар.

Кўрик-танлов ғолиблари диплом, статуэтка ва пул мукофотлари билан тақдирланади.

Фестивалнинг ҳар бир қатнашчисига “Халқаро цирк санъати” фестивали иштирокчиси сертификати берилади.