“Тошкент денгизи” да ҳарбий хизматчиларнинг парашют билан сувга сакраш машқлари бўлиб ўтмоқда

ЖАМИЯТ 26.06.2019, 09:56
Теглар: Фото
“Тошкент денгизи” да ҳарбий хизматчиларнинг парашют билан сувга сакраш машқлари бўлиб ўтмоқда

Мудофаа вазирлиги махсус бўлинма ҳарбий хизматчиларининг “Тошкент денгизи” да парашют билан сувга сакраш бўйича амалий ўқув машғулотлари бўлиб ўтмоқда. Ўтган 2018 йилда миллий армиямизда илк бора парашют билан сувга сакраш жанговар машғулоти муваффақиятли амалга оширилган эди.

Ўзбекнинг сара десантчиларининг бу борадаги тажрибаларини мустаҳкамлаш кўзда тутилган навбатдаги машғулотлар Юқори Чирчиқ туманида жойлашган “Тошкент денгизи”да амалга оширилди.

Машғулот раҳбари подполковник Алишер Убайдуллаев йўриқномалари асосида етмиш тўрт нафар ҳарбий хизматчи парашют билан сувга сакрашнинг муҳим жиҳатлари, қатъий қонуниятларини ўзлаштирди. Парашютлар яна бир бор назоратдан ўтказилди. Шундан сўнг, белгиланган вақтларда сакраш элементлари кетма-кетлигини тақозо этувчи кўникмаларга эга абжир десантчилар Ҳаво ҳужумидан мудофаа қўшинлари ва Ҳарбий ҳаво кучларига қарашли Ми-8 ҳарбий вертолёти бортидан жой олди.

Жами 74 нафар десантчи олти гуруҳга бўлинган ҳолда навбатма-навбат сувга сакраш жанговар вазифасини аъло даражада адо этди; сувга шўнғиш чоғида парашют юк халтасини ечиб, соҳилга сузиб чиқишди.

Десантчиларнинг ҳар бир хатти-ҳаракати Қуролли Кучлар Бош Штаби жанговар тайёргарлик бош бошқармасининг масъул офицерлари томонидан кузатиб борилди.

Ушбу машғулот, энг аввало, илк бор сувга сакраётган десантчининг ўз имкониятларини кенгайтириши, ҳар қандай вазиятда жанговар шай ҳолатда бўлишини таъминлаши билан аҳамиятлидир.

Мудофаа вазирлиги Ахборот ва

оммавий коммуникациялар департаменти

Шарҳлар

Педагогларни 3 йил куттирган қонундан қайси имтиёзлар “тушиб” қолган?

21.02.2024, 17:28

Хабарингиз бор, 2024 йил 1 февраль куни “Педагогнинг мақоми тўғрисида”ги Қонун имзоланди. Ундаги педагоглар учун энг асосий ўзгаришлардан бири – энди мактабга янги ишга кирган...
⚡️iPhone 16 кўриниши эълон қилинди

13.02.2024, 09:36

Твиттерда Majin Bu тахаллуси остида яширинган таниқли Apple инсайдери янги авлод iPhoneлари ҳақида янги маълумотлар билан бўлишди. Инсайдер хабаридан маълум бўлишича, компания бир вақтнинг ўзида...
Вайрон бўлган уйлар, жароҳат олган одамлар ва уларга ёрдам бераётган ходимлар… Сергелида отган машъум тонг (фотожамланма)

29.09.2023, 00:10

Бугун, 28 сентябрь куни соат 02:43 да Тошкент шаҳар Сергели тумани "Қурувчилар" даҳасида жойлашган омборхоналарнинг бирида кучли чақнаш оқибатида ёнғин содир бўлгани ҳақида хабар берган...
Биринчи қор оғушидаги Тошкент (фоторепортаж)

05.12.2022, 20:26

"Ўзгидромет" башорат қилганидек, Ўзбекистонда қиш 1 декабрдан кириб келди. Дам олиш кунлари республикада ҳаво ҳарорати кескин тушиб, Нукусда -17 даражани, куни кеча Навоий вилоятида эса...
Об-ҳаво: Тошкент
Валюта курси
1