5 ташаббус кашф этилди,
Яратилди, етилди.
Ўқилди Гулистонда,
Иш бошланди Бўстонда.
Айни пайтда Тошкент вилояти Бўка туманида Президентимиз томонидан илгари сурилган 5 та ташаббус доирасида маънавий-маърифий тадбир ўтказилмоқда.
Бўстон маҳалласида бўлиб ўтаётган мазкур тадбирда Ўзбекистон Республикаси Президенти Администрацияси масъуллари, Ўзбекистон Фанлар Академияси академиклари, ёзувчи ва шоирлар, элимиз ардоғидаги санъаткорлар иштирок этмоқда.
Хабарингиз бор, жорий йил 1 июнь куни Президентимиз Бўка туманидаги Бўстон маҳалласига ташриф буюриб, туманда 5 та ташаббус доирасида амалга оширилаётган ишлар билан танишган эди. Давлатимиз раҳбари мазкур маҳаллага ташрифи чоғида ҳудудда жойлашган 27-умумтаълим мактабининг 2-синф ўқувчиси Фазилат Ёқубова ўзининг 5 ташаббус, деб номланган шеърини ўқиб берган эди.
Тадбир доирасида Фазилат Ёқубовага Президентимиз совғаси – “Кобальт” автомобили топширилди. 19-Болалар мусиқа ва санъат мактабига ҳам Президент совғаси – “Исузу” автобуси берилди.
Бўстон маҳалласи аҳолиси, ёшларининг Ўзбекистон илм-фан, адабиёт ва санъат намоёндалари билан учрашуви давом этмоқда.
Президент совғасини Тошкент вилояти ҳокими вазифасини бажарувчиси Рустам Холматов топширди.