Фуқаролик ишлари бўйича Денов туманлараро судининг 03.02.2004 йилдаги суд буйруғига асосан Р.Бўроновдан бир нафар фарзандининг моддий таъминоти учун собиқ турмуш ўртоғи М.Ҳакимова фойдасига алимент ундириш белгиланган.
Р.Бўронов фарзандларининг моддий таъминоти учун алимент тўлашдан бўйин товлаб, яшаш манзилидан бедарак чиқиб кетганлиги учун унга нисбатан 2019 йил 2 май куни Мажбурий ижро бюросининг Денов туман бўлими томондан қидирув эълон қилинган. Р.Бўронов алимент пулларини тўлашни пайсалга солиб қочиб юрганлиги сабабли, оз эмас кўп эмас 17 миллион 500 сўм қарздорлик йиғилиб қолган эди.
Алимент пулларини тўламасдан қочиб кетсам мендан бу қарздорликларни ундириша олмайди қабилидаги фикрлар билан қочиб кетишни лозим топди. Алимент даврий ундирув бўлганлиги сабабли унга ҳам Ўзбекистон Республикаси ҳудудидан чиқиб кетиш ҳуқуқлари вақтинча чекланган эди. Бюронинг тезкор қидирувлари натижасида қарздор ота Тошкент шаҳридан 03 май куни қидириб топиб келтирилган. Қарздор отага алимент тўламаслик оқибатларини тушунтиргандан сўнг, ота ўз фарзандининг моддий таъминоти учун йиғилиб қолган алимент пулларини тўлиқ тўлаб берди.
Агарда қарздор ота ушбу қарздорликни бартараф этмаганда эди унинг ҳам аҳволи Термиз туманида истеъқомат қилувчи Ҳ.Тожиевникидек бўлиши мумкин эди. Алимент тўламаслик оқибатини тушуниб етмаган Ҳасан Тожиевга нисбатан эса маъмурий қамоқ жазоси тайинланди.
Ҳ. Тожиев ФИБ Термиз туманлараро судининг буйруғига асосан 2014 йил 5 августдан бери 3 нафар фарзандининг моддий таъминоти учун алимент тўлаш мажбурияти юклатилган. Бироқ алимент пулларини доим ўз вақтида тўламасдан юрганлиги сабабли қарздорлиги 19 миллиондан ошиб кетган эди.
Жорий йилнинг 4 июнь куни Бюронинг Термиз туман бўлими томонидан тўпланган хужжатлар тегишли тартибда ҳал қилишлик учун туман маъмурий судига юборилган ва унга нисбатан суд томонидан Ўзбекистон Республикаси МЖтКнинг 474-моддасига асосан 15 сутка маъмурий қамоқ жазоси белгиланди. Ушбу фуқаро 15 сутка маъмурий қамоқни ўтаб чиқиши алимент қарзини тўлашдан озод қилинади дегани эмас.
