Аргетина терма жамоаси собиқ футболчиси, ҳозирда Мексиканинг "Дорадос" клуби бош мураббийи Диего Марадона Буэнос-Айрес аэропортида қўлга олинди.
The Sun нашрининг Аргентина матбуотига таяниб ёзишича, бевосита аэропортнинг ўзида қўлга олинган. Гап шундаки, Марадонанинг собиқ рафиқаси Росио Олива 58 ёшли Диегони 5 млн фунтни тўламагани учун судга берган.
Олива Сан-Мигел оилавий cудига товон пули масаласида мурожаат қилган. Олива ва Марадона 6 йил давомида бирга ҳаёт кечиришган. Диего қўлга олингач унга суд иши очилгани ҳақида огоҳлантиришган. Суд мажлиси 13 июнда бўлиб ўтиши режалаштирилган.
