​Парадзюдочиларимиз Боку Гран-присини умумжамоа ҳисобида биринчи ўринда якунлашди

СПОРТ 15.05.2019, 09:12
​Парадзюдочиларимиз Боку Гран-присини умумжамоа ҳисобида биринчи ўринда якунлашди

Озарбайжоннинг Боку шаҳрида парадзюдо бўйича Гран-при сериясига кирувчи мусобақа ўз якунига етди. Турнирнинг иккинчи кун дастурида оғир вазнли спортчилар баҳс олиб боришди.

Қувонарлиси, ушбу кун дастурида татамига чиққан дзюдочиларимиз 2 та олтин ва 1 та бронза медалларини қўлга киритдилар. Йигитларимиздан энг оғир вазнда Ширин Шарипов (+100 кг) ҳамда қизларимиздан Нафиса Шерипбаева (-63 кг) барча рақибларини мағлубиятга учратган бўлса, Васила Алибоева (-70 кг) бронза медали учун кечган беллашувда устун келиб, терма жамоамиз ҳисобига яна бир медални тақдим қилди.

Шу тариқа мусобақада 4 та олтин ва 4 та бронза медалини қўлга киритган Ўзбекистон терма жамоаси умумжамоа ҳисобида биринчи ўринни эгаллади. Таъкидлаш жоиз, мазкур мусобақа орқали вакилларимиз Токио Паралимпия ўйинлари учун ҳам йирик рейтинг очколарини жамғаришга муваффақ бўлишди.

Шарҳлар

Об-ҳаво: Тошкент
Валюта курси
1