Хабаровскда бокс бўйича Константин Коротков хотирасига бағишланган халқаро турнир якунига етиб бормоқда.
Ҳозиргина -69 кг вазн тоифасида мусобақада иштирок этган боксчимиз Билолбек Мирзараҳимов россиялик Иван Ступинга қарши финал жангини якунлади. Боксчимиз жанг давомида тўлиқ устунликка эришди. Учинчи раундга келиб кетма-кет ўтказиб юборилган зарбалар эвазига россиялик боксчи жароҳат олди ва жанг тўхтатилди. Якунда Билолбек ғалаба қозониб, мусобақа олтин медалига эга чиқди.
Эслатиб ўтамиз, аввалроқ -52 кг вазнли боксчимиз Аброржон Қодиров олтин медалга эга чиққанди.
Бироздан сўнг +91 кг вазн тоифасда яна бир юртдошимиз Лазизбек Муллажонов финал жангини ўтказади.
