Ливиянинг Триполи шаҳрида давом этаётган нотинч вазият туфайли қурбонлар сони тобора ортиб бормоқда, дея хабар бермоқда Рамблер нашри.
Жаҳон соғлиқни сақлаш ташкилоти берган хабарларга кўра, тинч аҳоли вакиллари ўртасида ҳалок бўлганлар сони 254 нафарга етди. Шунингдек, мингдан ортиқ кишилар турли даражада жароҳат олган. Ҳукумат кучлари ҳамда маршал Халифа Хатар бошчилигидаги миллий армия ўртасида рўй бераётган жанглар натижасида 32 мингдан ортиқ инсонлар ўз уйларини тарк этишга мажбур бўлишмоқда.