Андижон вилоятининг Булоқбоши туманидаги «Учтепа» конининг 7-қидирув қудуғида табиий газнинг янги манбаси топилди. Бу ҳақда "Xabar.uz" маълум қилди.
Сайтда келтиришича, мазкур ҳудуддан суткасига ўртача 300-350 минг куб метр табиий газ чиқмоқда. 7-қидирув қудуғи 1350 метр чуқурликкача бурғиланган. Энди 10 кун давомида тегишли параметрларни аниқлаш учун газ-конденсат тадқиқот ишлари олиб борилади. Янги коннинг очилиши Фарғона водийси аҳолисини табииий газ билан таъминлашни яхшилаши айтилмоқда.