Термиздан махсус мухбиримиз Рустам Жабборов хабар қилади:
Айни пайтда Термизнинг ҳар бир кўчаси, ҳар бир маҳалласида байрам кайфияти ҳукмрон. Шаҳарнинг маданий-маърифий муассасаларида Халқаро бахшичилик санъати фестивали муносабати билан турли тадбирлар ўтказилмоқда.
Термиз археология музейи ҳам фестивал иштирокчилари ва меҳмонлар учун ўз эшикларини очган. Бу ерда “Сурхон воҳаси – бахшилар диёри” деб номланган кўргазма давом этмоқда.
–Ушбу кўргазма 28 март куни очилган, фестиваль давомида очиқ бўлади, - дейди музей илмий ходимаси Шаҳноза Қувватова. – Кўргазмада сурхон воҳасида яшаб ижод қилаётган бахшиалранниг ҳаёти ҳақида ҳикоя қилувчи кўргазмалари воситалар, фотсуратлар ўрин олган.
Томошабинлар шунингдек, музейдан Сурхондарё ҳудудидан топилган ноёб археологик топилмалар билан ҳам яқиндан танишиши мумкин.
