Юртимизда спортнинг бадиий гимнастика тури кейинги йилларда ривожланиб бормокда. Буни гимнастикачиларимизнинг халқаро ареналарда қўлга киритаётга ютуқлари ҳам исботлаб турибди.
Шу йилнинг 21-23 март кунлариРоссия пойтахти Москва шаҳри мезбонлик қилган " Ника-2019" ҳамда " Весенние звездочки" мусобақаларида мамлакатимиз бадиий гимнастикачилари муваффақиятли иштирок этиб 9 та олтин, 5 кумуш ва 2 та бронза медалларни қўлга киритишди.
Спортчиларимиздан Осиё Тожиева икки бор шоҳсупанинг биринчи ўринига кўтарилган бўлса, Камола Қобилбекова фахрли биринчи ва иккинчи ўринларни, Гулчеҳра Собирова биринчи ва учинчи ўрин, Мадина Абдуллаева иккита иккинчи ўрин, Робия Аҳмадхўжаева икки маротаба биринчи ўринни эгаллашди. Худди шундай натижани Шоҳиста Ботирова ҳам такрорлаган бўлса, Беназир Бахтиёрова биринчи ва учинчи ўринни, Самира Юлдашева иккита иккинчи ўрин соҳиби бўлди.
Юртимиз шарафини халкаро аренада муносиб ҳимоя қилган жамоани машғулотларга тайёрлаган, Ўзбекистонда хизмат кўрсатган спорт устози Зарина Абдуллаева ҳам ташкилотчилар томонидан такдирланди.
