“Реал Мадрид”нинг аввалги мавқеини тиклаш учун Зидан клубдан трансферлар учун катта миқдорда пул ажратишини сўраган, деб хабар бермоқда Independent.
Унга кўра, “қироллик клуби”га ёзда янги юлдузлар жалб этилади. Бу учун француз мутахассиси ихтиёрига 300 миллион фунт стерлинг миқдоридаги маблағ ажратилади. Ҳозирча жамоага таклиф этилиши мумкин бўлган асосий номзодлар Килиан Мбаппе, Эден Азар ҳамда Кристиан Эриксен бўлиб турибди.
Пойтахтликлар ушбу трансферларга йўналтирилган пулнинг ўрнини тўлдириш учун Гарет Бэйл ҳамда Лука Модрични сотиб юборишни режалаштирмоқда.
