— Турмуш ўртоғим билан ўн беш йил аввал ажрашганмиз. Бундан бир йил олдин 14 ёшли қизим учун алимент ундирувига ариза бердим. Боламнинг отаси ҳар ой 200 000 сўм алимент тўлаяпти. Ваҳоланки, у фирма раҳбари, ойлик маоши яхши. Аммо судга тақдим этган ҳужжатларда 600 000 сўм маош олиши кўрсатилган. Собиқ эримнинг аслида қанча маош олишини қандай билса бўлади? Агар у даромадини яширган бўлса, қонуний чора кўриладими?
Насиба Ибрагимова, Оҳангарон шаҳри
Саволга "Учтепа адвокатлари" адвокатлик ҳайъати адвокати Нафиса ИБРАГИМОВА жавоб берди.
— Сизга маслаҳатим, алимент ундирувини қарздорнинг иш жойига қаратилишини сўраб, ижро бўлимига мурожаат қилинг. Бунда сиз олаётган алимент миқдори билан иш ҳақи миқдори ўртасида мутаносиблик бўлмаса, ижрочи томонидан қарздорлик ҳисоблаб берилади.
