Тошкентнинг Юнусобод туманида бўғиб ўлдирилган мактаб ўқувчисининг қотиллик иши бўйича янги тафсилотлар пайдо бўлди.
Аввалроқ, Тошкент шаҳрининг Юнусобод туманида 15 яшар мактаб ўқувчисининг жасади топилгани ҳақида хабар берилган эди.
Тергов-тезкор чора-тадбирлар натижасида ушбу жиноятни содир этишда гумон қилинаётган 20-ёшли Э.А. ушланган.
Кейинроқ маълум бўлишича, қўлга олинган шахс – қизнинг ўгай акаси. Дастлабки хабарларга кўра, у ушбу қотилликни улар ўртасида келиб чиққан ўзаро жанжал оқибатида содир этган.
Мазкур қотиллик юзасидан Тошкент прокуратураси Ўзбекистон Жиноят кодексининг 97-моддаси 1-қисми (Қасддан одам ўлдириш) билан жиноий иш қўзғатилди.
Ҳозирда жиноятнинг содир этилиши сабаблари аниқланмоқда.
