Пойтахтимизнинг муҳташам Халқлар дўстлиги санъат саройи хориж эстрадасининг машҳур вакили Жейсон Дерулонинг концерт дастурига мезбонлик қилди.
Поп йўналишидаги ўзига хос қўшиқлари билан ўзбек тингловчиларига яхши таниш бўлган Жейсон Деруло Тошкентдаги илк концертини мухлислар эътиборига ҳавола этди. АҚШлик ҳонанда дастур давомида аллақачон хитга айланган қўшиқлари билан бирга янги тароналарини ҳам куйлади. Деярли бир ярим соат давом этган концерт томошабинларга яқинлашиб келаётган Янги йил байрами арафасида аъло кайфият бағишлади.
