Марказий банк 5 декабрдан эътиборан қимматбаҳо металлардан тайёрланган тангаларининг сотиш нархларини белгилади.
Унга кўра, олтин танганинг нархи 100 000 сўмга, кумуш танганинг нархи эса 5000 сўмга ошиб, қуйидаги кўринишга келди:
1 дона олтин танганинг сотиш нархи – 12.800.000,00 сўм;
1 дона кумуш танганинг сотиш нархи – 241.000,00 сўм.
Сотувга 1994-2009 йилларда зарб этилган, 2 хил олтин ҳамда 14 хил кумуш эсдалик тангалари қўйилган бўлиб, уларнинг асиллик даражаси 999,9 ҳамда оғирлиги 31,1 граммдан иборат.
Маълумот учун, сотувга жами 1900 дона олтин ҳамда 6900 дона кумуш эсдалик тангалари қўйилган бўлиб, уларнинг нархи Марказий банк томонидан ҳар ҳафтада миллий валютада белгиланади.
