Тошкентда PROlogue халқаро кинофестивали очилиш арафасида (фото)

МАДАНИЯТ 27.11.2018, 16:26
Тошкентда PROlogue халқаро кинофестивали очилиш арафасида (фото)

Бугун соат 18. 00 да Тошкентдаги Алишер Навоий номидаги давлат академик катта театрида PROlogue кинофестивалининг тантанали очилиш маросими бўлиб ўтади.

PROlogue IV халқаро кинофестивалининг биринчи куни давомида халқаро ҳакамлар ҳайъати аъзоларининг матбуот анжумани бўлиб ўтди.

Тадбир давомида журналистлар саволларига тўлиқ метражли фильмлар танловининг халқаро ҳакамлар ҳайъати раиси машҳур театр ва кино актёри, Россия халқ артисти, кўплаб мукофотлар соҳиби Сергей Шакуров, театр ва кино актёр, Ўзбекистон халқ артисти Ёдгор Саъдиев, россиялик постановкачи оператор Сергей Астахов, АҚШлик кинофестиваль ташкилотчиси Питер Скарлетт ва польшалик режиссёр Куба Чекай жавоб беришди.

Матбуот анжумани давомида ОАВ вакилларини қизиқтирган саволларга қисқа метражли фильмлар танловининг ҳакамлар ҳайъати раиси таниқли ўзбек режиссёри, кўплаб халқаро кинофестивалларнинг лауреати Аюб Шаҳобиддинов ҳамда ҳайъат аъзолари – продюсер Фабио Канепа (Италия), актёр Филипп Рейнҳартд (Швейцария), постановкачи оператор Макс Тцуи (Германия), кино эксперти ва киношунос Гулбара Толомушова (Қирғизистон) жавоб беришди.

PROlogue IV Халқаро кино фестивали Ўзбекистон Ёшлар иттифоқи томонидан "Ўзбеккино" миллий агентлиги, Тошкент шаҳар ҳокимлиги, Кинематографияни ривожлантириш маркази, Ёш кинематографлар кенгаши, Ўзбекистон миллий кинокомиссияси билан ҳамкорликда ташкил этилди.

Халқаро кинофестивалнинг бош ҳамкори «Orient Finans Bank» бўлди.


Шарҳлар

Об-ҳаво: Тошкент
Валюта курси
1