Европа тикланиш ва тараққиёт банки делегацияси Марказий банкка ташриф буюрди, деб хабар бермоқда МБ ахборот хизмати.
19 ноябр куни Ўзбекистон Республикаси Марказий банкида Марказий банк вакиллари ЕТТБнинг маҳаллий валюта ва капитал бозорини ривожлантириш департаменти директори Андре Куусвек бошчилигидаги Европа тараққиёт ва тикланиш банки делегацияси билан учрашув ўтказди.
Учрашув давомида республикада капитал бозори ривожланиши, шунингдек макроиқтисодий моделлаш ва прогнозлаш бўйича Марказий банкка техник кўмак кўрсатиш юзасидан бир қатор мавзулар муҳокама қилинди.
