Режиссёр Рашид Маликовнинг “Сабот” фильми 23-бор ўтказилаётган “Пусан” Халқаро кинофестивали (“Busan International Film Festival”)нинг “Корея премьераси” дастурида 5-7-10-октябрь кунлари тақдимот қилинди...
Анвар МАДРАИМОВ, режиссёр: — Ёзда “Пусан” кинофестивалининг энг катта кино танловчисини Ўзбекистонга таклиф қилиб, “Ўзбеккино” вакиллари билан таништиргандим. Ўшанда “Сабот”ни кўрсатгандим. Мақсад, ўзаро муносабат боғлаш, ўзбек киносидаги янги қадамни таъминлаш эди. Шу тариқа, фильмни кинофестивалга қабул қилишгани ҳақида расмий хат юборишди. Афсуски, виза билан боғлиқ муаммолар сабаб, режиссёр Рашид Маликовнинг ўзи Кореяда ўтаётган мазкур кинофестивалга кела олмади. Шу боис фильмни бир ўзим тақдим этдим. Кинотанқидчилар “Сабот” фильми манзур келганини эътироф этишди. Ўзбекистон ҳақида мазкур фильм орқали анчагина катта таассуротларга эга бўлишганини таъкидлашди. Айни вақтда АҚШ продюсер ва режиссёрлари дарс ўтадиган “Pusan Platform” дастурида бепул ўқияпман. Бунинг учун кинофестивал томонидан барча шароит яратиб берилган.
•“Busan International Film Festival” Осиёдаги энг катта ва нуфузли кинофестивал ҳисобаланди. Ҳар йили бутун дунёдан келган кино ижодкорлар ўз фильмларини намойиш қилишади.
•Мазкур кинофестивалнинг энг нуфузли дастури бу – “Халқаро премьера” (“World Premiere”).
•Ушбу кинофестивалга “Asian FIlm Market” номли энг катта кино юозори ҳам олиб борилади. Боиси бу кино бозорда Хитой, Корея, Ҳиндистон каби давлатлар Осиёда ишланган фильмларни катта қизиқиш билан сотиб олишади. “Пусан” халқаро кинофестивалида АҚШ фильмларига талаб катта эмас.
