Ўзбекистонлик ҳакамлар мунтазам равишда халқаро мусобақаларни бошқариш учун таклиф қилинмоқда. Равшан Эрматов ва Азиз Асимов бошчилигидаги ҳакамлар бригадалари Осиё Чемпионлар лигаси баҳсларини бошқариш учун таклифлар олганини хабар қилган эдик.
Аёллар ўртасидаги U-16 Осиё чемпионатининг саралаш баҳсларидаги бугунги Баҳрайн – Бангладеш ўйинини ўзбекистонлик Эдита Миробидова бошқарадиган бўлди. Унга қанотда ҳамюртимиз Зилола Раҳматова ёрдам беради. Бу ҳақида ЎФА хабар бермоқда.
