Бухоро вилоятининг Ромитан тумани ИИБга жорий йил 10 июль куни йирик миқдордаги ўғирлик юзасидан мурожаат келиб тушди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Унга кўра, 9 июль куни номаълум шахс Б.Б.нинг уйига очиқ қолган эшик орқали кириб, у ердан 7750 АҚШ долларини ўғирлаб кетган.
Кўрилган чоралар натижасида ушбу жиноятни «Боғисайидон» МФЙда яшовчи Н.Д. исмли аёл содир этганлиги аниқланди. Ўғри аёл қўлга олинди.
