Ўзбекистон “Миллий тикланиш” демократик партияси Марказий Кенгаши ташаббуси билан музейлар ва хонадонларда сақланаётган қадимий гиламлар тарихи ўрганилмоқда.
Бугунги кунда вилоятимизда ҳам партия мутахассислари томонидан ўрганиш ишлари амалга оширилаяпти.
Сиз суратда кўриб турган мазкур гилам вилоят тарихи ва маданияти давлат музейида сақланаётган бўлиб, у “кигиз гилам” деб юритилади. ХХ асрнинг 40 йилларига тегишли ушбу гилам Конимех ҳудудига қарашли. Ундан ўтовлар устини қоплашда фойдаланишган. Гилам сув ва нам ўтказмаслик хусусиятига эга бўлиб, қишлоқ жойларда улар пол қилинмаган хоналарга тўшалган. Ҳозирда ҳам аҳоли бу каби гиламлардан кенг фойдаланади.
Ўрганиш ишлари давом этмоқда. Тез орада воҳадаги энг қадимий гилам қаерда сақланаётгани аниқланади.
