“Тошўрмон” деб аталувчи ноёб палеонтологик музей-қўриқхона бугун нафақат юртимиз, балки дунё олимларининг катта қизиқишига сабаб бўлаяпти, деб ёзмоқда "Халқ сўзи" нашри.
Учқудуқ шаҳарчасидан чамаси 130 километр олисда, Қизилқум саҳросининг “Жирақудуқ” дарасида жойлашган мазкур ноёб табиат ёдгорлиги бундан 95-100 миллион йил аввал мавжуд бўлган Тетис денгизи қирғоқлари билан боғлиқ эканлиги унинг аҳамиятини янада оширяпти.
Бу ерда тош қотган дарахтлар, мевалар қолдиқлари, балки қадим ҳайвонларнинг суягини ҳам топиш мумкин.
Ушбу манзил туризмни ривожлантириш учун ажойиб маскан ҳисобланади.
