Вақф хайрия жамоат фондига қанча маблағ келиб тушгани маълум қилинди

ЖАМИЯТ 08.06.2018, 15:03
Вақф хайрия жамоат фондига қанча маблағ келиб тушгани маълум қилинди

“Вақф” хайрия жамоат фонди ҳисобига 25 майдан 5 июнь санасигача, яъни 10 кунда 18 миллион сўмдан ортиқ маблағ келиб тушган. Бу маблағнинг 1,9 миллион сўмга яқини хайрия учун, 15,5 миллион сўмдан кўпроғи закот, ушр, фитр ва фидя учун, салкам 584 минг сўми вақф учун ўтказилган.

Давлатимиз раҳбарининг фармони асосида «Вақф» хайрия жамоат фондининг ташкил этилгани халқимизнинг кўнглидан ишлардан бири бўлди. Боиси фондга тушадиган маблағлар масжидлар ва диний таълим муассасаларининг биноларини қуриш, таъмирлаш, реконструкция қилиш, диний таълим муассасалари ходимлари ва талабларини, аҳолининг ижтимоий ҳимояга муҳтож қатламлари, шу жумладан, имконияти чекланган шахсларни моддий ва маънавий қўллаб-қувватлашга йўналтирилади.

Айниқса, эзгулик, саҳоват ва мурувват ойи бўлган Муборак Рамазон кунларида юртдошларимиз савоб иш қилиш, закот бериш каби хайрли амалларни ихлос билан адо этмоқда.

Фонд томонидан Payme, Click MBank тўлов тизимларига улангандан кейин келиб тушаётган маблағлар нисбатан ўсган.

Қайд этиш керак, ҳозирги вақтда фондга маблағ ўтказиш учун кўпчилик масжидларга инфокиоскалар ҳам ўрнатилган. Бу усулда тўлов қилинганда комиссия учун пул олинмайди. Яъни, закот қилган кишининг закоти шариатда кўрсатилганидек ўрнига боргунга қадар бир сўм ҳам камаймайди.

Шарҳлар

Об-ҳаво: Тошкент
Валюта курси
1