Жонли ижро, жонли мусиқа, жонли суҳбат, самимий ҳис-туйғулар... шу куни «Истиқлол» санъат саройи унутилмас концерт дастурига гувоҳ бўлди. «Икки юрак» деб номланган концерт дастури Сарвар Акбаров ва Татьяна Зайцевалар таркибидаги «Шарқ» гуруҳининг ўн йиллик юбилейига бағишланди, деб ёзади "Кунутун" нашри.
Дастур бошловчиларсиз ўтди, хонандалар томошабинлар билан самимий суҳбат қуриб, хотиралари, қалб туғёнлари, ҳис-ҳаяжонлари билан бўлишдилар.
Концерт дастури афсонавий устоз санъаткор Ботир Зокиров ва Луиза Зокировалар ижодига мансуб «Где же ты, счастье?» қўшиғи билан бошланди.
Қўшиқ ниҳоясига етгач, Сарвар ва Татьяна гуруҳ яралиши ҳақида гапириб берилар ва ўзларининг «Сен» деб номланган илк қўшиқларини ижро этдилар.
Қўшиқлар орасида хонандалар ҳазил-ҳузул қилар, қизиқарли воқеаларни гапириб берар, хуллас томошабинга нафақат қўшиқлари билан балки ҳазиллари билан ҳам кўтаринки кайфият улашардилар.
«Шарқ» гуруҳи истеъдодли хонанда Карен Гафуржанов билан биргаликда яқиндагина тақдим этган «Айтаман» дуэти ҳам томошабинлар томонидан олқишлар билан кутиб олинди.
Бирин-кетин гуруҳнинг севимли бўлишга улгурган «Денгиз», «Анҳор», «Севгилим» тароналари янгради. Ҳар бир таронага мос равишда орқа фондаги экранларда видео кетма-кетликлар кўрсатиб борилди.
«Шарқ» гуруҳи таниқли қўшиқлари билан бир қаторда бир нечта янги қўшиқларини ҳам тақдим этдилар. Шулардан бири Сарвар томонидан яккахон тарзда куйланган «Гуччи» қўшиғи бўлиб, ҳазилолмуз бу тарона рус тилида бўлиб, унда хонанда рафиқаси ҳам хонанда бўлса, қандай қийинчиликлар кутаётгани ҳақида куйлаган.
Сарвадан сўнг саҳнага Татьяна яккахон тарзда куйлаш учун чиқди ва Сарвардан фарқли ўлароқ ўзбек тилида қўшиқ куйлади. Айниқса, унинг ширали овози билан куйланган «Она алласи» мухлисларнинг кўнглидан чуқур жой олди.
Концертнинг унутилмас лаҳзалари кўп бўлди. Улардан бири Сарвар ва Татьянанинг фарзандлари Алихоннинг саҳнага чиқиши бўлса, яна бири ўзбек эстрадасининг тирик афсоналари Фарруҳ Зокиров ҳамда Насиба Абдуллаевларнинг чиқиши бўлди.
Устоз санъаткорлар «Шарқ» гуруҳи ҳақида жуда самимий сўзлар айтдилар, уларни табриклаб, шундай инсонларни вояга етказган ота-оналарига раҳмат айтдилар. Сўнг биргаликда «Тошкент» қўшиғини ижро этдилар.
Ҳар бир қўшиққа хореографлар томонидан ажойиб рақслар саҳналаштирилган бўлиб, концертда «Сабо» рақс ансамбли гўзал қизларининг жозибали хиромлари, Zlotnikov dance centre раққосларидан жўшқин рақслари ва ҳаттоки акробатлар чиқишларига ҳам гувоҳ бўлиш мумкин бўлди.
Хонандаларнинг костюмлари маҳоратли стилист Лидия Андре томонидан яратилганлиги айтиб ўтилди.
Концертнинг энг кутилмаган лаҳзаларидан яна бири хонандаларни табриклаш учун саҳнага чиққан Рамиз Усмонов ва Женисбек Пиязовлар импровизацион тарзда Сарвар билан биргаликда ’O sole mio қўшиғини ижро этганликлари бўлди.
Концертда эътиборимизни тортган яна бир нарса орқа фондаги экранда вақти-вақти билан пайдо бўлиб турган, гуруҳ вакиллари учун «Бахт» нимадан иборатлигини билдирувчи ёзувлар бўлди.
Мухлислар концерт давомида севимли гуруҳларини гулдурос қарсаклар, олам-олам гулдасталар, қўшиқларга мос равишда телефон чироқларини ёқиш билан қўллаб-қувватлаб турдилар.
Ва энг асосийси хонандаларни мухлислари парда ёпилгунга қадар тик туриб олқишлар билан кузатиб қўйганлари бўлди.
Бундан ортиқ бахт борми...
25.04.2024, 07:33
Хитойнинг Хенан провинциясидаги чакана савдо тармоғи асосчиси, бизнесмен Ю Донглай ходимларга иш ва ҳаёт мувозанатини яхшилашга ёрдам бериш учун “бахтсиз таътил” кунларини жорий қилди, деб...01.04.2024, 16:31
Ижтимоий тармоқларда Солихон домла номи билан танилган Солихон Ортиқхўжаев 15 суткага қамалди. Бу ҳақда Тошкент шаҳар судлари Darakchi.uz га хабар берди.2024 йил 30 март Тошкент...21.02.2024, 17:28
Хабарингиз бор, 2024 йил 1 февраль куни “Педагогнинг мақоми тўғрисида”ги Қонун имзоланди. Ундаги педагоглар учун энг асосий ўзгаришлардан бири – энди мактабга янги ишга кирган...13.02.2024, 09:36
Твиттерда Majin Bu тахаллуси остида яширинган таниқли Apple инсайдери янги авлод iPhoneлари ҳақида янги маълумотлар билан бўлишди. Инсайдер хабаридан маълум бўлишича, компания бир вақтнинг ўзида...