Хитойлик олимлар яна бир вакцинани муваффақиятли синовдан ўтказишди. Бу вакцина тиш касалликларии юзага келтирувчи кариесдан қутулиш имконинни беради.
Ҳозирги кунда кенг тарқалган назарияга кўра, кариес оғиз бўшлиғида яшовчи Streptococcus mutans микроорганизмларнинг таьсиридан келиб чиқади.Улар ўзидан сарғиш тусли моддалар чиқаради. Бу эса зарарли бактерияларнинг шаклланишига олиб келади. Охир-оқибатда милклар қонаши кузатилади ва бунинг олди олинмаса тишлар ўз мустаҳкамлигини йўқотиб, тўкила бошлайди. Юқоридаги ҳолатларни олдини олиш мақсадида Хитой олимлари кариесга қарши вакцинани яратишди. 30 йилдан ортиқ вақт мобайнида изланишлар олиб борилган ихтиро ўз самарасини берди. Яқин кунларда кариесга қарши вакцина омма эътиборига ҳавола қилинади.
