9-15 январь, 2018 йил
ҲАМАЛ
(21.03-20.04)
Бу ҳафтада юлдузлар катта чиқим қилишдан тийилишни маслаҳат беришмоқда. Чунки олдинда Сизни анча жиддий ишлар кутиб турибди. Улар ҳатто келажак ҳаётингиз учун ҳам таъсир ўтказиши мумкин. Шунинг учун даромад ва энергиянгизни бироз тежанг. Ҳафтанниг иккинчи ярмида эса ушбу буржнинг айрим вакиллари ҳаётида яхшигина ўзгаришлар содир бўлиши мумкин. Сайёҳат, танишиш учун жуда қулай фурсат. Ақлингиз чархланиб, тажрибанигиз ҳам ошади.
САВР
(21.04-20.05)
Ўйлаган ишларингизни амалга оширишда атрофингиздагилар бироз ҳалал беришлари мумкин. Лекин бу вазиятдан чиқиб кетиш учун бироз оғирроқ бўлишга тўғри келади. Чунки босиқлик билан ҳал қилинган ишнинг якуни ҳам кўнгилдагидек бўлади. Ишхонада эса фаолроқ бўлинг. албатта, гапдамас, амалда. Бирор мушкул вазиятда ҳал қилувчи роль ўйнасангиз, ўзингизга фойда.
ЖАВЗО
(21.05-21.06)
Бу ҳафтада муҳим учрашувларни режалаштирмасликни маслаҳат берамиз. Бу Сизни жуда муҳим ишларингиздан чалғитади. Қолаверса, янги танишувлар Сиз ўйлаган натижани бермаслиги ҳам мумкин. Ҳафта якунидаги мароқли ҳордиқ келгуси ишлар учун куч тўлпашга ёрдам беради. Ўзингиз ҳам бундан ҳайраталанасиз ҳали. Кутилмаган даромадингизни саломатлингизни тиклашга сарфласангиз, яхши бўларди.
САРАТОН
(22.06-22.07)
Сизнинг олдингизда икки йўл турибди. Ақлингиз ёки ҳиссиётларингиз ўртасидаги курашда меъёрни топа билиш катта аҳамиятга эга. Бу хоҳ шахсий ҳаётингиз, хоҳ иш билан боғлиқ бўлсин, жуда муҳим саналади. Янги танишлар орттириш мумкин бўлган давралардан ўзингизни олиб қочманг. Ё иш, ё шахсий ҳаёт масаласида омадингиз кулиб қолиши мумкин. Бундан ташқари, дам олиш кунларини яқинларингиз, дўстларингиз билан биргаликда ўтказинг.
АСАД
(23.07-23.08)
Атрофингиздаги кишилар билан муносабатларингизга имкон қадар яхшилашга ҳаракат қилинг. Айниқса, турмуш ўртоғингиз ва фарзандларингизнинг истак-хоҳишларини инобатга олиб иш кўринг. Чунки уларнинг Сизга ишончлари катта. Тадбиркорлик билан шуғулланувчи бурж вакиллари эса таваккал қилишларига тўғри келади. Агар таваккални ҳам ақлга бўйсуниб амалга оширсангиз, ишларингиз беш бўлади, ишонаверинг.
СУНБУЛА
(24.08-23.08)
Бирор ишга киришишдан аввал пухта режа тузиб олганингиз маъқул. Шундагина кўзлаган ишларингизни амалга ошириш имкони туғилади. Иш жойингизда бундан-да яхшироқ лавозимларда ишлашингиз, кўп жиҳатдан бошлаган ишларингизни қандай якун топишига боғлиқ. Тўй каби катта базмларга таклиф қилишса, албатта боринг. Бу кайфиятингиз кўтарилишига хизмат қилади. Дам олиш кунларини бирор қизиқарли фильм томоша қилиб ўтказинг.
МЕЗОН
(24.10-22.11)
Ҳафта бошиданоқ пулларингизни ҳисоб-китоб қилиб олишингизга тўғри келади. Чиқимларни эса шунга кўра режалаштирганингиз маъқул. Агар шундай қилсангиз, ҳафта якунига бориб қийин вазиятга тушиб қолмайсиз. Ҳатто кўнгилли дам олишга ҳам имкон топасиз. Севишган “мезон”лар ниҳоят бир қарорга келиб, тўй тадоригга тушиб қолишади. Ишбилармонлар эса кредит масалаларидаги муаммоларини ҳал қилишади.
АҚРАБ
(24.10-22.11)
Сизни олдинда катта синов кутиб турибди. Ундан қандай ўтишингиз эса жуда муҳим. Эришилган ижобий натижа албатта ўз самарасини кўрсатади. Шундай экан ҳозирданоқ ишга киришиб, тайёргарликни бошланг. Вақтдан унумли фойдаланинг. Ҳафта охирида молиявий аҳволингиз яхшиланади. Қўлингиздаги маблағдан ва фурсатдан фойдаланиб, яқинларингизни ҳам бирор совға билан хушнуд этинг. Айниқса, улар орасида кимнидир хафа қилиб қўйган бўлсангиз, баҳонада узр ҳам сўраб оласиз.
ҚАВС
(23.11-21.12)
Бошлаган ишларингиз кутилган натижа кўрсатмаяптими? Бундан сира сиқилманг. Ҳамма синовлар вақтинчалик, тез орада ҳаммасига изга тушиб кетади. “Сабрнинг таги сариқ олтин”,деб бекорга айтишмаган ахир. Келажакка бўлган умид барча муаммоларнинг ечимидир. Қишки оби-ҳаво руҳиятингизга бироз таъсир кўрсатиши мумкин. Шунинг учун кайфиятингизни кўтарувчи бирор машғулот билан шуғулланинг-да, янги лойиҳа томон ҳаракатни бошланг. Бу ҳаракатларингиз натижасида сиз кутган эшиклар ҳам очилади.
ЖАДИЙ
(22.12-20.01)
Анчадан буён юмушлардан қўлингиз бўшамай, ўзингизни ҳорғин ҳис этаяпсиз. Бу чарчоқни чиқариш учун эса яхши ҳордиқ зарур. Бу ҳафтада Сизда шундай имконият туғилади. Бу янги куч ва ғайратга тўлишингизга ёрдам бўлади. Нима қилишни билмай қоладиган вазиятларда оилангиз катталаридан ёрдам ва маслаҳат сўранг. Уларгина сизга тўғри йўлни кўрсата олишлари мумкин. Агар сизни бирор психологик муаммо қийнаётган бўлса, мутахассисга учрашишни тавсия этамиз.
ДАЛВ
(21.01-20.02)
Ташқи кўринишингизда ёки кийиниш услубингизни ўзгартириш Сизга янада яхши кайфият бағишлаши мумкин. Бу атрофдагиларниннг Сизга бўлган эътиборни оширади. Энг муҳими эса, ўзингизнинг кўринишингиздан кўнглингиз тўлишидир. Шундагина яхши кайфият доимий ҳамроҳингиз бўлади. Ҳафтанинг иккинчи ярмида юз берадиган вазиятлар ҳаётингизга яхшигина таъсир кўрсатиши мумкин. Уларнинг таъсири натижасида ўзингизга бўлган ишончингиз ошиши кутилмоқда. Бу ишчанлик қобилиятингизни оширса не ажаб
ҲУТ
(21.02-20.03)
Атрофингиздаги яқин кишиларнигиз билан муносабатларингиздаги айрим муаммоларга ечим топасиз. Бу кўпроқ иш билан боғлиқ бўлади. Шу боис ҳам бу Сизга омад келтириши мумкин. Ҳафта бошидаги жўшқинлик Сизга ҳафта якунига қадар куч бағишлаб туради. Энг муҳими, қулай имкониятларни қўлдан бой берманг. Шамоллаш каби мавсумий касалликлар буткул кичкинтойларни исканжасига олмасдан олдини олиш чораларини кўринг. Дам олиш кунлари оилавий дам олинг. Бу бутун ой давомида ўзингизни тетик ҳис қилишингизга замин яратади
