Зарур масаллиқлар: 100 гр. хурмо қоқи, биттадан банан, олма ва киви, яримта апельсин, ярим пиёла бодом мағзи, 3 ош қошиқ йогурт, 2 ош қошиқ лимон шарбати, қанд упаси, райҳон барги.
Тайёрланиши: 1. Апельсин, олма, киви ва бананни арчиб, тўртбурчак шаклда майдалаб тўғранг. Олмага лимон шарбатидан сепиб қўйинг.
2. Хурмо қоқини донагидан ажратинг. Бодом мағзи билан бирга майдалаб тўғраб, меваларга қўшинг.
3. Йогуртга қанд упасини солиб, истасангиз, бирор мева қиёмидан ҳам қўшинг.
4. Аралаштирилган меваларни стаканларга солиб, устидан йогуртдан қуйинг. Салатни райҳон барги билан безатишингиз мумкин.
15 дақиқа
3 кишилик
