Бугунги кунда илм-фан қанчалик тараққий этмасин, инсоният душмани бўлган орттирилган иммунитет танқислиги синдроми, яъни ОИТСга ҳалигача даъво топилганича йўқ...
Лекин яқинда Нью-Йоркдаги (АҚШ) Рокфеллер университетининг профессори Михаэл Нуссенцвайг бошчилигидаги тадқиқотчи олимлар ОИТС ва унинг бир неча турларининг тарқалишига қарши 3BNC117 деб номланувчи вакцина кашф этишга эришишди. Ушбу вакцина ОИТС вирусига қарши дастлабки вакцина ҳисобланади. У ОИТС вирусига қарши курашиш билан бирга мазкур вирусни батамом йўқотишга ҳам хизмат қилиши айтилмоқда.
Олимлар мазкур вакцинани ОИТС вируси билан касалланган беморларнинг ихтиёрларига биноан 1,5 йил давомида тажрибадан ўтказишди. Тажрибалар шуни кўрсатди-ки, беморларнинг барчасида вируснинг кўпайиш жараёни батамом тўхтаган. Олимларнинг айтишларича, вакцина беморлар организмига юборилгандан сўнг 2 ой ичида етарли даражада кўпайиб, вирусга қарши курашишни бошлайди. Бундан ташқари, профессор Михаэл Нуссенцвайг бошчилигидаги тадқиқотчи олимлар 10-1074 деб номланувчи худди 3BNC117 вакцинасига ўхшаш янги вакцина яратишганини айтишмоқда. Олимлар мазкур икки вакцинани бирлаштириш орқали ОИТС вирусига қарши даъво муддатини янада тезлаштириш мумкин, дея айтишмоқда. Бу тажриба 6 ҳафта давомида маймунларда синаб кўрилди ва оламшумул ажойиб натижага эришилди. Мазкур оламшумул тадқиқот натижалари яқин кунларда дунё ОАВда батафсил эълон қилиниши айтилмоқда.
