— Холамнинг бевақт ўлими сабаб эндигина ўн саккиз ёшга кирган қизи ёлғизланиб қолди. Онасига тегишли уй-жойни эса ҳозир тоғаларимиз олиб қўйишмоқчи. Холамнинг шу қизидан бўлак ҳеч кими йўқ эди. Шу маънода қиз онасидан сўнг мол-мулкнинг ягона меросхўри ҳисобланмайдими?
Адвокат Нафиса Ибрагимова жавоб беради.
— Қонун бўйича эр-хотин, ота-она, фарзандлар ва унга тенглаштирилган(фарзандликка олинган)лар биринчи даражали меросхўрлар саналади. Шунга кўра, жиянингиз ҳам онасининг ягона меросхўридир. Мазкур вазиятда у меросни қабул қилиш учун уй-жой жойлашган ҳудуддаги нотариал идорага мурожаат қилиши лозим.
