Дарди жаҳон дардидан кўп
Ташвишлари лиммо-лим.
Бир Оҳ демай яшагувчи
Дунёга тенг - Онам бу.
Доим ташвишли юзлар
Кутиб хумор бу кўзлар.
Ҳар дам ўйчан нигоҳлар
Ёлғиз дардим - Онам бу.
Ўзин ўйламай бир дам
Фарзандим дер ҳар гал ҳам
Бир мени қувончим чун
Бахт алмашган - Онам бу.
Ўз соғлиғин ўйламай ҳеч
Мен чун ташвишланади
Гар керак бўлса жони
Фидо этган - Онам бу.
Онажоним чеккан дардга
Арзимайман, биламан.
Мен бу улуғ зот учун
Жонни фидо этгайман.
Бу дунёда бош эгганим,
тиз чўкканим - Онам бу.
Соғинчларим, орзуларим
Сарҳисоби - Онам бу...
Гавҳар ОМОНОВА
