— Тўрт нафар фарзандим бор. Тақдир экан – турмушимдан ажрашиб, қайта уйландим. Аммо буниси билан ҳам ҳаётимиз бўлмади. Ҳозир биринчи оиламга қайтганман. Иккинчи турмушимдан эса бир фарзандим бор. Унга алимент тўлайман. Лекин моддий тарафлама имкониятим тўғри келмаётгани боис, миқдорини камайтирмоқчиман. Шундай қилса бўладими?
К., Тошкент вилояти
Адвокат Нафиса ИБРАГИМОВА жавоб беради.
— Собиқ рафиқангиз истиқомат қилаётган манзил бўйича фуқаролик судига мурожаат этиб, ижтимоий аҳволингизни тасдиқловчи ҳужжатларни тақдим этишингиз ва алиментдан озод қилиш ёки миқдорини камайтириш ҳақида даъво келтиришингиз мумкин.
