Яна бир ҳамюртимиз, ҳуқуқшунос Жамшид Тўраев икки бармоқда турникда тортилиш бўйича жаҳон рекордини ўрнатди. У бу мураккаб машқни 19 марта такрорлай олди. Гиннесснинг расмий сайтида тарқатилган маълумотларга кўра, Жамшид аслида 25 марта тортилган, аммо олтита уриниши ўрнатилган тартиб-қоидаларга тўғри келмагани учун ҳисобга олинмаган. 37 ёшли Жамшид Тўраевнинг асли касби ҳуқуқшунос. 5 йилдан бери турникда тортилишнинг турли шакллари билан мунтазам шуғулланиб келади. У 2015 йил май ойида орқа томондан турникка тортилиш бўйича рекорд ўрнатган эди.
