Ўзбек ошхонасининг машҳур ошпази, марғилонлик Ҳаким Ғаниев дунёдаги энг узун лағмон тайёрлаш бўйича “Гиннесснинг рекордлар китоби”га кирган. Минскдаги ресторанлардан бирида рекорд даражадаги бу узун лағмонни тайёрлаш учун ошпазга 150 килограмм гўшт ва сабзавотлар ҳамда 1 километр узунликдаги хамир керак бўлди.
Рекордларни қайд этиш халқаро агентлиги “Интеррекорд”нинг маълум қилишича, лағмоннинг оғирлиги 351,1 кг.ни ташкил этган.
Ҳаким Ғаниев томонидан 2015 йилнинг октябрь ойида Москвада оғирлиги 500 кг.ли норин тайёрланди ва у бу борада ҳам Жаҳон рекордини ўрнатди.